НҰР-СҰЛТАН. ҚазАқпарат – Қазақстандық, әлемнің 195- ракеткасы Дмитрий Попко Алматы челленджер турнирінің финалына шыға алмады, деп хабарлайды ҚазАқпарат тілшісі.
Осы жарыстың 6-ракеткасы болып тіркелген Д.Попко жартылай финалда дүниежүзілік рейтингте 259-орында тұрған бельгиялық Зизу Бергспен күш сынасты.
Бірінші партияны Д.Попко брейкпен бастағанымен, қарсыласы теңестіріп отырды. Дегенмен 6:5 есебімен алға шыққан қазақстандық теннисші өз геймін ала білді – 7:5.
Екінші сетті 22 жастағы бельгиялық спортшы өз есебіне жазды – 6:3.
Үшінші, шешуші партияда З.Бергс 5:1 есебімен алға кетті.
Осыдан кейін Д.Попко жарысты жалғастырудан бас тартты. Бәсеке 2 сағаттан астам уақытқа созылды.
Бельгиялық теннисші финалда тағы бір қазақстандық Тимофей Скатовпен кортқа шығады.
Еске сала кетейік, бұдан бұрын қазақстандық теннисшінің Братиславадағы турнирдің, Т.Скатовтың Алматы жарысының финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).