НҰР-СҰЛТАН. ҚазАқпарат – Қазақстандық Дмитрий Попко Италиядағы Бьелла челленджер турнирін сәтті бастады, деп хабарлайды ҚазАқпарат тілшісі.
Дүниежүзілік рейтингте 170-орында тұрған Д.Попко алғашқы айналымда әлемнің 88-інші, осы доданың 2-ракеткасы, америкалық Себастьян Кордамен күш сынасты.
Қазақстандық теннисші 6:4, 6:3 есебімен екі партияда жеңіске жетті.
Бәсеке 1 сағат 10 минутқа созылды.
Д.Попко ширек финалға шығу үшін әлемнің 187-ракеткасы, латвиялық Эрнест Гулбис немесе рейтингте 373-сатыдағы италиялық Рауль Бранкаччионың біреуімен таласады.
Италиядағы дода 21 ақпанда аяқталады.
Бұл – Бьеллада өтіп отырған осымен екінші турнир. Бұдан бұрын 14 ақпанда мәреге жеткен дәл осындай жарыста Д.Попко екінші айналымнан аса алмаған еді.
Еске сала кетейік, бұдан бұрын Зарина Диястың Мельбурн турнирінің үшінші айналымына шыққанын жазған болатынбыз.
Зарина Дияс ширек финал жолдамасы үшін әлемнің 9-ракеткасы, 2019 жылғы АҚШ чемпионатының жеңімпазы, канадалық Бьянка Андреескумен сынға түседі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).