НҰР-СҰЛТАН. ҚазАқпарат – Қазақстандық Дмитрий Попко Ыстанбұл челленджер турнирінің ширек финалына шықты, деп хабарлайды ҚазАқпарат тілшісі.
Дүниежүзілік рейтингте 173-орында тұрған Д.Попко екінші айналымда әлемнің 108-інші, осы доданың 2-ракеткасы, испаниялық Хауме Муньярмен кездесті.
Қазақстандық теннисші 1 сағат 31 минутқа созылған матчта 6:3, 6:4 есебімен жеңіске жетті.
Д.Попко бастапқы кездесуінде рейтингте 201-сатыдағы португалиялық Фредерику Феррейра Силваны 6:2, 7:6 (7:3) есебімен тізе бүктірген болатын. Енді ол жартылай финалға шығу үшін әлемнің 129-ракеткасы, Беларусь өкілі Илья Ивашкамен таласады.
Еске сала кетейік, бұдан бұрын Елена Рыбакинаның Чехиядағы турнирде ұтылып қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).