АСТАНА. ҚазАқпарат - Қазақстандық Андрей Голубев Дубайда өтіп жатқан халықаралық теннис турнирінің екінші айналымына шықты.
Чемпионат.ком сайтынан алынған мәліметке қарағанда, А.Голубев бірінші кездесуінде бүгін франциялық Фабрис Мартенді 7:5, 6:4 есебімен ұтты. Қазақстандық теннисші матч барысында 4 брейк-пойнттың төртеуін де пайдалана білді.
Ширек финалға шығу үшін А.Голубев сербиялық, әлемнің бірінші ракеткасы Новак Джокович немесе канадалық Вашек Поспишилдің біреуімен шеберлік байқасады. Бүгін жаңартылған әлемдік рейтингте А.Голубев бірден 26 орынға төмен сырғып, қазір 107-сатыда тұр.
Айта кетейік, 28 ақпанда мәреге жететін Дубай турнирінің жүлде қоры 2,5 млн. АҚШ долларынан асады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).