НҰР-СҰЛТАН. ҚазАқпарат – Қазақстанның бірінші ракеткасы Елена Рыбакина әйелдер теннис қауымдастығы (WTA) жариялаған рейтингіде үш саты жоғарылады, депхабарлайды ҚазАқпарат тілшісі.
Қазақстан теннис федерациясы мәлім еткеніндей, Е.Рыбакина 19-дан 16-орынға көтеріліп, өзінің үздік көрсеткішін қайталады.
Юлия Путинцева 44-сатыда қалса, Зарина Дияс 100-ден 102- ге сырғып, үздік жүздіктен шығып қалды. Жібек Құламбаева 533-тен 515-ке көтерілді.
Жұптық сында Е.Рыбакина 49-ыншы, Анна Данилина 84- орында келеді. Жібек Құламбаева мен 16 жасар Дана Байдәулет сәйкесінше 75 және 640 сатыға жоғарылады.
Сөйтіп Ж.Құламбаева 397-інші, Дана 975-орынға жайғасты.
Еске сала кетейік, бұдан бұрын Андрей Голубевтің жұптық сында Санкт-Петербург турнирінің финалында жеңіліп қалғанын , оның әлемдік рейтингіде 28-орынға көтерілгенін
жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).