НҰР-СҰЛТАН. ҚазАқпарат – Қазақстанның бірінші, әлемнің 26-ракеткасы Елена Рыбакина Аустралия ашық чемпионатының екінші айналымына шықты, деп хабарлайды ҚазАқпарат тілшісі.
Осы «Үлкен дулыға» турнирінің 29-ракеткасы болып тіркелген қазақстандық теннисші алғашқы кездесуін рейтингте 65-орында тұрған америкалық Бернарда Перамен өткізді.
Е.Рыбакина қарсыласын 6:3, 6:2 есебімен қиналмай жеңді.
Бәсеке 1 сағат 5 минутқа созылды.
Е.Рыбакина екінші айналымда әлемнің 94-ракеткасы, Беларусь өкілі Александра Саснович немесе рейтингте 119-сатыдағы бельгиялық Гретье Минненнің біреуімен шеберлік байқасады.
Еске сала кетейік, бұдан бұрын Е.Рыбакинаның рейтингте көтерілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).