12:39, 10 Қаңтар 2022

Теннис: Елена Рыбакина чемпиондық рейтингіде екінші орынға көтерілді

НҰР-СҰЛТАН. ҚазАқпарат – Әйелдер теннис қауымдастығы (WTA) бүгін жариялаған чемпиондық рейтингіде Қазақстанның бірінші, әлемнің 13-ракеткасы Елена Рыбакина екінші орынға көтерілді, деп хабарлайды ҚазАқпарат тілшісі.

Көш басында әлемнің бірінші ракеткасы, аустралиялық

Эшли Барти келеді.

Е.Рыбакина мұндай табысқа Аделаида (Аустралия) WTA 500 турнирінде сәтті өнер көрсетуі нәтижесінде қол жеткізді. Онда ол финалда ғана дәл осы Э.Бартиге жол берген болатын.

Қазақстандық теннисшінің енді Сидней мен Аустралия ашық чемпионатында жолы болса, көрсеткішін одан әрі жақсарта алады.

Сонымен, WTA чемпиондық рейтингісінің үздік ондығына

мыналар кірді:

1. Эшли Барти (Аустралия) — 470.

2. Елена Рыбакина (Қазақстан) — 305.

3. Симона Халеп (Румыния) — 280.

4. Аманда Анисимова (АҚШ) — 280.

5. Александра Саснович (Беларусь) — 198.

6. Игра Свёнтек (Польша) — 185.

7. Мисаки Дои (Жапония) — 185.

8. Вероника Кудерметова (Ресей) — 180.

9. Чжэн Циньвэнь (Қытай) — 128.

10. Наоми Осака (Жапония) — 110.

Еске сала кетейік, бұдан бұрын Елена Рыбакинаның

Аделаида турнирінде әлемнің бірінші ракеткасынан жеңіліп

қалғанын, қазақстандық теннисшілердің Аустралия ашық

чемпионатының іріктеу сайысын сәтті бастағанын жазған

болатынбыз.

Сондай-ақ Александр Недовесов Мельбурн турнирінің

финалына дейін жетті.

Е.Рыбакинаәлемдік рейтингіде үздік ондыққа жақындады.





Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).