НҰР-СҰЛТАН. ҚазАқпарат – Қазақстандықтар Елена Рыбакина мен Зарина Дияс бүгін жаңартылған WTA рейтингісінде жоғары көтерілді, деп хабарлайды ҚазАқпарат тілшісі.Қазақстанның бірінші ракеткасы Е.Рыбакина 23-тен 22- сатыға жоғарылады.
Еленаның үздік көрсеткіші 17-орын болатын. Юлия Путинцева 30-орнында қалса, Зарина Дияс 90-нан 89-ға көтерілді.
Рейтингіде үздік үштікте бұрынғыша аустралиялық Эшли Барти, жапониялық Наоми Осака, румыниялық Симона Халеп келеді.
Жұптық сында Галина Воскобоева 87-ден 86-ға, Анна Данилина 128-ден 127-ге, Ю.Путинцева 192-ден 189-ға жайғасты.
Ерлер арасында ATP рейтингісінде Қазақстанның бірінші ракеткасы Александр Бублик 42-ден 43-ке, Дмитрий Попко 181-ден 182-ге сырғыса, Михаил Кукушкин 106-дан 104-ке көтерілді.
Әлемдік рейтингіде сербиялық Новак Джокович көш бастаса, кеше Барселона турнирінде жеңімпаз атанған испаниялық Рафаэль Надаль ресейлік Даниил Медведевті ығыстырып, екінші орынға шықты.
Жұптық сында Андрей Голубев 82-інші, Михаил Кукушкин 92-інші, Александр Недовесов 103-орнын сақтап қалса, А.Бублик 101-ден 100-ге жоғарылады.
Еске сала кетейік, бұдан бұрын Зара Дәркеннің Сербиядағы турнирде чемпион атанғанын, А.Бубликтің Эшторил жарысындағы қарсыласы анықталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).