НҰР-СҰЛТАН. ҚазАқпарат - Қазақстанның бірінші, әлемнің 16-ракеткасы Елена Рыбакина Острава (Чехия) WTA 500 турнирінің екінші айналымына шықты, деп хабарлайды ҚазАқпарат тілшісі.
Осы жарыстың 7-ракеткасы болып тіркелген қазақстандық теннисші бірінші матчында дүниежүзілік рейтингте 31-орында тұрған ресейлік Вероника Кудерметовамен ойнады.
Е.Рыбакина 6:1, 6:3 есебімен оңай жеңіске жетті.
1 сағат 17 минутқа созылған кездесуде Рыбакина 6 эйс жасап, 7 брейк-пойнттың бесеуін пайдалана білді. Қарсыласы 3 эйс, 1 брейкпен шектелді.
Е.Рыбакина жүлде қоры 565 мың АҚШ долларынан асатын доданың ширек финалына шығу үшін әлемнің 59-ракеткасы, Польша өкілі Магда Линетпен таласады.
Еске сала кетейік, бұдан бұрын Astana Open ATP турнирінде Дмитрий Попконың өткен жылғы чемпионға жол бергенін, Андрей Голубев пен Александр Недовесовтің ширек финалға шыққанын жазған болатынбыз.
Сондай-ақ Юлия Путинцева Острава турнирін жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).