НҰР-СҰЛТАН. ҚазАқпарат - Қазақстанның бірінші, әлемнің 25-ракеткасы Елена Рыбакина Санкт-Петербург WTA тургирінің финалына шықты, деп хабарлайды ҚазАқпарат тілшісі.
Е.Рыбакина жартылай финалда әлемнің 21-ракеткасы, грекиялық Мария Саккаримен кездесті.
Бірінші партияда грекиялық спортшы 6:3 есебімен басым түссе, екіншісінде Елена есе қайырды - 7:5.
Үшінші,шешуші сетте қазақстандық теннисші бет қаратқан жоқ - 6:1.
Бәсеке 1 сағат 55 минутқа созылды.
Е.Рыбакина финалда әлемнің 8-ракеткасы, нидерландылық Кики Бертенс немесе рейтингте 28-сатыда тұрған ресейлік Екатерина Александрованың біреуімен бас жүлдені сарапқа салады.
Алдағы дүйсенбіде жаңартылатын рейтингте Е.Рыбакина қазақстандық қыздар арасында алғаш рет үздік 20 теннисшінің қатарына кіреді.
Еске сала кетейік, бұдан бұрын Е.Рыбакинаның Санкт-Петербург жарысының жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).