НҰР-СҰЛТАН. ҚазАқпарат – Қазақстандықтар Андрей Голубев пен Александр Недовесов жұптық сында Бангкок (Таиланд) челленджер турнирінің чемпионы атанды, деп хабарлайды ҚазАқпарат тілшісі.
Қазақстандық жұп жарыс барысында төрт кездесу өткізіп, барлығында жеңіске жетті.
А.Голубев пен А.Недовесов финалда таиландтық Санчай Ративатана мен индонезиялық Кристофер Рунгкатпен кортқа шықты.
Қазақстандықтар бірінші партияда 3:6 есебімен есе жіберіп қойғанымен, сосын жинала білді.
Екінші сетте Голубев пен Недовесов тай-брейкте басым түсті – 7:6 (7:1). Содан кейін де есесін жібермеді – 10:5.
Финалдық бәсеке 1 сағат 27 минутқа созылды.
Еске сала кетейік, бұдан бұрын Елена Рыбакинаның Хобарт турнирінің жеңімпазы атанғанын, ал Дмитрий Попконың Аустралия чемпионатында негізгі додаға өте алмағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).