22:16, 07 Сәуір 2018

Теннис: Қазақстан - Хорватия матчында корт иелері алға шықты

АСТАНА. ҚазАқпарат - Бүгін Вараждин қаласында Дэвис кубогы үшін Қазақстан - Хорватия матчында жұптық кездесу өтті, деп хабарлайды ҚазАқпарат тілшісі.

Қазақстандықтар Александр Недовесов пен Тимур Хабибуллин хорватиялық Иван Додиг және Никола Мектичпен кездесті.
Тартысты өткен бірінші партияда қазақстандықтар тай-брейкте 7:6 (7:2) есебімен жеңіске жетті. Әйтсе де бұдан кейін жеңісті жолын жалғастыра алмады. Екінші және үшінші партияда хорваттар 6:4 есебімен басымдылық танытты.

Төртінші партияда корт иелері 6:2 есебімен ұтты. Кездесу 3 сағат 1 минутқа созылды.

Осылайша матчтық кездесуде хорваттар 2:1 есебімен алға шықты. Енді матч тағдыры жексенбі күні өтетін қос бірдей жекелей сында шешіледі. Хорваттарға сол ойынның біреуін ұтса, жетіп жатыр, әлемдік топтың жартылай финалына жолдама алады.

Спорт Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).