НҰР-СҰЛТАН. ҚазАқпарат – Прага қаласында әйелдер құрамалары арасында 2022 жылы өтетін Билли Джин Кинг кубогы іріктеу сайыстарының жеребесі тартылды, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, еліміз құрамасы Нұр-Сұлтанда Германиямен кездеседі.
Матч 2022 жылы елордада 15-16 сәуірде өтеді. Егер қазақстандық қыздар жеңген жағдайда алғаш рет финалдық кезеңге жолдама алып, бас жүлдені сарапқа салатын болады.
Қазақстан құрамасы осы іріктеу сайысына биылғы сәуірде Аргентина теннисшілерін 3:2 есебімен жеңгеннен кейін өткен еді.
Еске сала кетейік, бұдан бұрын Александр Бубликтің Париж мастерс турнирінің үшінші айналымына шыға алмағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).