НҰР-СҰЛТАН. ҚазАқпарат - Осло қаласында Дэвис кубогының іріктеу кезеңінде Қазақстан құрамасы Норвегияны жеңді, деп хабарлайды ҚазАқпарат тілшісі.
Төртінші кездесуде Қазақстан мен Норвегияның бірінші ракеткалары Александр Бублик пен Каспер Рууд кортқа шықты.
К.Рууд әлемнің 8-ракеткасы болса, А.Бублик 32-орында еді.
Бірінші партия барысында брейк жасаған қазақстандық теннисші басымдылық көрсетті - 6:4.
Екінші сетте К.Рууд есе қайырды - 7:5.
Үшінші, шешуші партияны Бублик брейкпен бастады - 2:0. Ақыры матчты жеңіспен түйіндеді : 6:4.
Осылайша Қазақстан құрамасы қарсыласын 3:1 есебімен ұтып, Мадридте өтетін Дэвис кубогының финалдық кезеңіне жолдама алды.
Еске сала кетейік, бұдан бұрын Қазақстанның Норвегиямен матчта алға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).