НҰР-СҰЛТАН. ҚазАқпарат - Елордада өтіп жатқан Дэвис кубогы іріктеу кезеңінде Қазақстан - Нидерланды матчында Александр Бублик есепті теңестірді, деп хабарлайды ҚазАқпарат тілшісі.
Екінші ойында Қазақстанның бірінші, әлемнің 51-ракеткасы А.Бублик рейтингте 196-орында тұрған Таллон Грикспурмен кездесті.
Бірінші партия тай-брейкке дейін созылып, онда қазақстандық теннисші жеңіске жетті - 7:6 (7:4).
Екінші сетте Бублик 2:0 есебімен алға шыққанымен, Грикспур таразы басын теңестірді. Дегенмен тағы да тай-брейкте Бублик есесін жібермеді - 7:6 (7:4).
Бәсекеге екі сағатқа созылды.
Осылайша Қазақстан - Нидерланды матчында есеп теңесті - 1:1.
Матч жеңімпазы ертең анықталып, Дэвис кубогының финалдық турниріне жолдама алады.
Еске сала кетейік, бұдан бұрын Қазақстанның алғашқы ойында есе жібергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).