АСТАНА. 17 қаңтар. ҚазАқпарат /Елжан Ералы/ - Теннистен Австралияның ашық чемпионатында қазақстандық Андрей Голубев ресейлік Михаил Южныйды бес партияға созылған матчта ұтты.
Аталмыш біріншіліктен жедел хабарлар беріп отыратын championat.com сайтынан алынған мәліметке қарағанда, А.Голубев пен М.Южныйдың арасындағы кездесу 7:5, 6:7, 6:4, 4:6, 6:3 есебімен Андрейдің пайдасына шешілген. Әлемдік рейтингте М.Южный 35-орында болса, А.Голубев 98-орында тұр. Оның үстіне қазақстандық теннисші іріктеу сындарынан жеңіп шығып, негізгі турнирге қосылған болатын.
А.Голубев екінші айналымда рейтингте 18-орында тұрған Франция елінің өкілі Ришар Гаскемен кортқа шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).