АСТАНА. ҚазАқпарат - Қазақстандық теннисші Юлия Путинцева Нюрнберг қаласында өтіп жатқан халықаралық турнирдің ширек финалында итальяндық, осы жарыстың алтыншы ракеткасы Карин Кнаппен күш сынасты.
Vesti.kz сайтынан алынған мәліметке қарағанда, бір сағат 20 минуттай уақытқа созылған матчта 6:2, 6:4 есебімен Юлиядан әлдеқайда тәжірибелі К.Кнапп жеңіске жетті. Жиырма жасар Ю.Путинцева дүниежүзілік рейтинте 105-інші орында тұрса, 27 жастағы итальяндық теннисші әлемнің 48-інші ракеткасы екендігін айта кетейік. Бұл - теннисшілердің өзара бірінші кездесуі.
Енді Зарина Дияс бастаған қазақстандық теннисшілер 24 мамырда басталатын жылдың ең басты додаларының бірі - «Ролан Гаррос» турнирінде бақ сынайтын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).