АСТАНА. ҚазАқпарат - Қазақстанның үш бірдей теннисшісі Еуропада басталған халықаралық турнирлерге қатысады.
Чемпионат.ком сайтынан алынған мәліметке қарағанда, еліміздің бірінші, әлемнің 34-інші ракеткасы Зарина Дияс Францияның Страсбург қаласындағы жарыстың алғашқы айналымында американдық Элисон Рискемен кездеседі. З.Дияс Страсбург турнирінің бесінші ракеткасы болып тіркелді. Ал Нюрнберг (Германия) қаласындағы осындай байрақты бәсекеде Ярослава Шведова беташар матчында голландиялық Кики Бертенспен күш сынасады. Нюрнбергте іріктеу сайыстарынан сәтті өткен тағы бір қазақстандық теннисші Юлия Путинцева да бақ сынайды.
Айта кетейік, екі жарыстың да жүлде қоры - 250 мың АҚШ доллары. Бұл алдағы аптада басталатын «Роллан Гаррос» турниріне соңғы дайындық болмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).