АСТАНА. ҚазАқпарат - Кеше теннистен Федерация кубогының әлемдік тобы плей-офф кезеңінің жеребесі тартылып, Қазақстан қыздар құрамасының қарсыластары анықталды, деп хабарлайды ҚазАқпарат тілшісі.
Жеребе бойынша жерлестеріміз плей-офф кезеңінде канадалықтармен кездесетін болды. Ойындар 22-23 ақпанда Канадада өтеді.
Қазақстан қыздар құрамасы өз тарихында Федерация кубогы әлемдік тобының плей-офф кезеңіне екінші рет шығып отыр. Бұл жолдама үшін отандастарымыз Жапонияны үш матчтың қорытындысы бойынша 2:1 есебімен басым түскен болатын.
Айта кетейік, плей-оффта жеңімпаз бес ойыннан кейін барып анықталады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.