АСТАНА. ҚазАқпарат - Қазақстанның бірінші, әлемнің 43-ракеткасы Михаил Кукушкин Финикс (АҚШ) челленджер турнирінің финалына шықты, деп хабарлайды ҚазАқпарат тілшісі.
Михаил Кукушкин жартылай финалда дүниежүзілік рейтинте 168-орында тұрған италиялық Сальваторе Карузомен шеберлік байқасты.
Қазақстандық теннисші бірінші партияны 6:1 есебімен айқын басымдылықпен ұтты.
Екінші сет әлде қайда тартысты өрбіді. Есеп 5:4 болып тұрған мезетте М.Кукушкин матчболды пайдалана алмады. Дегенмен тағы бір сондай мүмкіндігін мүлт жіберген жоқ - 7:5.
Бәсеке 1 сағат 40 минутқа созылды.
Михаил Кукушкин финалда әлемнің 57-ракеткасы, тағы бір италиялық Маттео Берреттини немесе дүниежүзілік рейтингте 88-сатыда тұрған аргентиналық Гвидо Андреоццидің біреуімен бас жүлдені сарапқа салады
Еске сала кетейік, бұдан бұрын Михаил Кукушкиннің Финикс турнирінің ширек және жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).