АСТАНА. ҚазАқпарат - Қазақстанның бірінші, әлемнің 43-ракеткасы Михаил Кукушкин Финикстегі (АҚШ) челленджер турнирін сәтті өткізуде, деп хабарлайды ҚазАқпарат тілшісі.
Осы жарыстың 4-ракеткасы болып тіркелген қазақстандық теннисші екінші айналымда дүниежүзілік рейтингте 96-сатыда тұрған Беларусь елінің өкілі Илья Ивашкамен кездесті.
Біршама тартысты өрбіген матчта М.Кукушкин 6:2, 7:6 (7:5) есебімен басым түсті.
Бәсеке 1 сағат 44 минутқа созылды.
Михаил Кукушкин ширек финалда әлемнің 86-ракеткасы, чилилік Николас Харримен күш сынасады.
Еске сала кетейік, бұдан бұрын М.Кукушкиннің Индиан-Уэллс (АҚШ) турнирінің алғашқы айналымынан аса алмағанын жазған болатынбыз. Кейін әйелдер арасында Юлия Путинцева да жеңіліп қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).