НҰР-СҰЛТАН. ҚазАқпарат - Қазақстанның бірінші, әлемнің 40-ракеткасы Михаил Кукушкин Будапешт турнирінің алғашқы айналымында италиялық Маттео Берреттинимен кездесті, деп хабарлайды ҚазАқпарат тілшісі.
31 жасар М.Кукушкин тәжірибелі теннисші болса, әлемнің 55-ракеткасы М.Берреттини 1996 жылғы еді.
Кездесуді сәтті бастаған италиялық теннисші бірінші партияны 6:4 есебімен ұтты.
М.Берреттини екінші сетте де брейк жасап, 2:0 есебімен алға шықты. Содан кейін тағы бір брейкпен есепті 5:2-ге жеткізді. Италиялық спортшы матчқа доп бергенде ғана М.Кукушкин брейк жасай алды - 3:5. Алайда М.Берреттини көпке ұзатқан жоқ - 6:4.
Италиялық теннисшінің басымдылығымен өткен бәсеке 1 сағат 28 минутқа созылды.
Жүлде қоры 586 140 еуроға бағаланған Будапешт турнирі 28 сәуірде мәреге жетеді.
Еске сала кетейік, бұдан бұрын Михаил Кукушкиннің Будапешт турниріндегі қарсыласы белгілі болғанын, Дмитрий Попконың АҚШ-тағы турнирдің жеңімпазы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).