АСТАНА. ҚазАқпарат - Қазақстанның бірінші, әлемнің 50-ракеткасы Михаил Кукушкин Марсель (Франция) турнирінің ширек финалында ресейлік Андрей Рублевпен күш сынасты, деп хабарлайды ҚазАқпарат тілшісі.
Қазақстандық теннисші рейтингте 115-орындағы, 21 жасар қарсыласын екі партияда тізе бүктірді.
Бірінші сетте есеп 6:4 болса, екіншісінде М.Кукушкин айқын басымдылық көрсетті - 6:1.
Небәрі 1 сағат 5 минутқа созылған кездесуде қазақстандық тәжірибелі спортшы 5 эйспен бірге төрт брейк жасай білді. Ресейлік теннисшінің есебінде 5 эйс пен 1 ғана брейк.
Осымен М.Кукушкин қарсыласын үшінші мәрте жеңді. Бұған дейін тек бір ойында оған есе жіберді.
Жүлде қоры 668 485 еуроға бағаланған жарыстың жартылай финалында Михаил Кукушкин әлемнің 75-ракеткасы, франциялық Уго Умбер немесе рейтингте 143-сатыдағы германиялық Маттиас Бахингердің бірімен шеберлік байқасады.
Еске сала кетейік, бұдан бұрын М.Кукушкиннің рейтингте үздік елудікке енгенін және Марсель турнирінің екінші айналымына, сосын ширек финалына шыққанын жазған болатынбыз.
.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).