НҰР-СҰЛТАН. ҚазАқпарат - Қазақстандық Михаил Кукушкин Санкт-Петербор турнирінің жартылай финалына шыға алмады, деп хабарлайды ҚазАқпарат тілшісі.
Рейтингте 57-орында тұрған қазақстандық теннисші ширек финалда әлемнің 64-ракеткасы, португалиялық Жоау Соузамен кездесті.
Бірінші партия барысында М.Кукушкин бірнеше мәрте брейк жасайтындай мүмкіндікті мүлт жіберді. Тай-брейкті де тым-тәуір бастап еді. Алайда қарсыласының жолы болып кетті - 7:6 (8:6).
Екінші сетте Соуза бірден брейкпен алға шықты - 2:0. Ақыры сол қарқынын үдетпесе, кеміткен жоқ - 6:2.
Бәсеке 1 сағат 50 минутқа созылды.
Ж.Соуза жартылай финалда әлемнің 15-ракеткасы, хорватиялық Борна Чоричпен шеберлік байқасады.
Еске сала кетейік, бұдан бұрын М.Кукушкиннің Санкт-Петербор жарысының сирек финалына шыққанын, ал Зарина Диястың Ухань турнирінің іріктеу сайысын сәтті бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).