НҰР-СҰЛТАН. ҚазАқпарат – Қазақстандық Михаил Кукушкин Шанхай ATP турнирінің екінші айналымына шықты, деп хабарлайды ҚазАқпарат тілшісі.
Дүниежүзілік рейтингте 57-орында тұрған М.Кукушкин алғашқы айналымда әлемнің 50-ракеткасы, сербиялық Миомир Кецмановичпен кездесті.
Қазақстандық теннисші 7:6 (7:4), 6:4 есебімен жеңіске жетті.
Бәсеке 1 сағат 43 минутқа созылды.
М.Кукушкин екінші айналымда әлемнің 14-ракеткасы, бельгиялық Давид Гоффен немесе рейтингте 52-сатыдағы франциялық Ришар Гаскенің біреуімен шеберлік байқасады.
Жүлде қоры 8,3 млн астам АҚШ долларына бағаланған Шанхай додасы 13 қазанда мәреге жетеді.
Еске сала кетейік, бұдан бұрын А.Бубликтің әлемдік рейтингте көтерілгенін, Ю.Путинцеваның Тяньцзинь турнирін жеңіспен бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).