00:10, 04 Шілде 2018

Теннис: Кукушкин Уимблдон турнирінде әлемнің бірінші ракеткасы Надальмен кездеседі

АСТАНА. ҚазАқпарат - Қазақстанның бірінші, әлемнің 77-інші ракеткасы Михаил Кукушкин Уимблдон турнирін жеңіспен бастады, деп хабарлайды ҚазАқпарат тілшісі.

Қазақстандық теннисші алғашқы айналымда дүниежүзілік рейтингте 97-інші орында тұрған канадалық Вашек Поспишилмен күш сынасты.
М.Кукушкин қарсыласын 6:4, 3:6, 6:2, 6:3 есебімен тізе бүктірді.

Төрт партиядан тұрған кездесу 2 сағат 11 минутқа созылды.

Қазақстандық спортшы екінші айналымда әлемнің бірінші ракеткасы, атақты испаниялық теннисші Рафаэль Надальмен кортқа шығады.
Р.Надаль алғашқы матчында Израиль елінің өкілі Дуди Селаны 6:3, 6:3, 6:2 есебімен оңай ұтты.

М.Кукушкин өткен жылғы Уимблдон турнирінде екінші айналымға дейін жеткен болатын. Сондықтан Р.Надальдан жеңіліп қалғанның өзінде ұпайларын жоғалтпауы тиіс.

Әйелдер арасындағы Уимблдон турнирінде Қазақстанның бірінші, әлемнің 53-інші ракеткасы Юлия Путинцева поляк қызы, рейтингте 80-інші сатыда тұрған Магда Линетпен шеберлік байқасады.

Өкінішке қарай, Ноттингем турнирінде алған жарақатынан жазылмаған болуы керек, Зарина Дияс осынау айтулы додадан тыс қалды.

Спорт Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).