ОРАЛ. ҚазАқпарат – Қазақстандық Михаил Кукушкин Вена ATP турнирін жеңіспен бастады, деп хабарлайды ҚазАқпарат тілшісі.
Дүниежүзілік рейтингте 57-орында тұрған М.Кукушкин алғашқы айналымда осы жарыстың сегізінші, әлемнің 24-ракеткасы, хорватиялық Борна Чоричпен күш сынасты.
Бірінші партияда брейк жасай алған М.Кукушкин сол басымдылығын сақтап қалды – 6:4.
Қазақстандық спортшы екінші сетті де брейкпен бастады – 2:0. Ақыры ол матчты жеңіспен тәмамдай білді – 6:4.
Бәсеке 1 сағат 23 минутқа созылды.
М.Кукушкин ширек финалға шығу үшін әлемнің 34-ракеткасы, испаниялық Пабло Карреньо-Бустамен таласады.
Жүлде қоры 2 433 810 АҚШ долларына бағаланған Вена турнирі 27 қазан күні мәреге жетеді.
Еске сала кетейік, бұдан бұрын Елена Рыбакинаның үздік қырық теннисшінің қатарына енгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).