АСТАНА. ҚазАқпарат - Теннистен Базельде өтіп жатқан халықаралық жарыстың бірінші айналымында қазақстандық Михаил Кукушкин әлемнің төртінші, осы турнирдің үшінші ракеткасы, швейцариялық Станислас Вавринкамен күш сынасты.
Аса тартысты өткен матч 2 сағат 13 минутқа созылып, 6:4, 6:7, 6:3 есебімен әлемдік рейтингте 84-інші орында тұрған М.Кукушкин жеңіске жетті. Кездесу барысында Михаил төрт брейкке қол жеткізіп, өзі доп берген екі геймде есе жіберді.
М.Кукушкин жүлде қоры 1,458 млн. еуродан асатын турнирдің ширек финалына шығу үшін неміс теннисшісі Бенджамин Беккермен кортқа шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).