АСТАНА. ҚазАқпарат - Қазақстанның бірінші ракеткасы Михаил Кукушкин US Open турнирінің екінші айналымына шықты.
Әлемдік рейтингте 56-ыншы орында тұрған М.Кукушкин 97-інші сатыдағы Тайвань елінің үміті Лю Йен-Сунды жеңді. Есеп 6:3, 6:3 және 3:0 болған сәтте тайваньдық теннисші матчты әрі қарай жалғастырудан бас тартты.
Екінші айналымда М.Кукушкин австралиялық Мэттью Эбденді ұтқан болгариялық Григор Димитровпен кездеседі. Әрине, Г.Димитровтың әлдеқайда азулы қарсылас екендігі белгілі.
Көп ұзамай кортқа Қазақстанның тағы бір маңдайалды теннисшісі Зарина Дияс та шығады, ол словениялық Полона Херцохпен шеберлік байқасады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).