НҰР-СҰЛТАН. ҚазАқпарат – Қазақстандық Михаил Кукушкин Мельбурн 2 АТР турнирінде өнер көрсетеді, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, Мельбурн додасы 31 қаңтар – 6 ақпан аралығында өтеді.
Қатысушылар тізіміне Стэн Вавринка, Григор Димитров, Феликс Оже, Борна Чорич, Каспер Рууд сияқты танымал теннисшілер енді.
Бұл 8 ақпанда басталатын Аустралия ашық чемпионаты алдындағы басты доданың бірі болмақ. Коронавирус қатеріне байланысты Аустралия біріншілігінің іріктеу сайыстары
қазіргі кезде әйелдер арасында Дубайда, ерлер арасында Дохада өтуде.
Еске сала кетейік, бұдан бұрын Александр Бубликтің Анталия турнирінің финалына шыққанын жазған болатынбыз.
А. Бублик бүгін финалда аустралиялық Алекс де Минаурмен бас жүлдені сарапқа салады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).