НҰР-СҰЛТАН. ҚазАқпарат - Қазақстандық теннисші Александр Недовесов Шымкент челенджер турнирінің ширек финалына шықты, деп хабарлайды ҚазАқпарат тілшісі.
Дүниежүзілік рейтингте 194-орында тұрған А.Недовесов үшінші айналымда әлемнің 243-ракеткасы, канадалық Стивен Диаспен күш сынасты.
Матчты канадалық спортшы қарқынды бастап, бірінші сетте айқын басымдылық көрсетті - 6:1.
Дегенмен қалған екі партияда қазақстандық теннисші 6:3 есебімен жеңіске жетті.
Тартысты бәсеке 2 сағат 4 минутқа созылды.
Жекелей сында Қазақстаннан жалғыз қалған А.Недовесов жартылай финалға шығу үшін осы турнирдің үшінші, әлемнің 154-ракеткасы, словакиялық Андрей Мартин немесе рейтингте 300-сатыдағы хорватиялық Нино Сердарусицтің біреуімен таласады.
Жүлде қоры 54 мың АҚШ доллары болатын Шымкент жарысы 16 маусымда мәреге жетеді.
Еске сала кетейік, бұдан бұрын А.Недовесовтің Шымкент турнирін жеңіспен бастағанын, Зарина Диястың Манчестер жарысының екінші айналымына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).