НҰР-СҰЛТАН. ҚазАқпарат – Қазақстандық Дмитрий Попко Аустралия ашық чемпионатының іріктеу сайысын сәтті бастады, деп хабарлайды ҚазАқпарат тілшісі.
Дүниежүзілік рейтингте 184-орында тұрған Д.Попко алғашқы кездесуін әлемнің 137-ракеткасы, қытайлық Чжичжэнь Чжанмен өткізді.
Матч тартысты өтіп, екі партия да тай-брейкке дейін жетті. Қазақстандық спортшы іріктеу сайыстарының 25-ракеткасы болып тіркелген қарсыласын 7:6 (9:7), 7:6 (7:5) есебімен тізе бүктірді.
Бәсеке екі сағатқа жуық уақытқа созылды.
Д.Попко іріктеу сайыстарының жартылай финалында рейтингте 197-сатыдағы франциялық Энцо Кокомен шеберлік байқасады.
«Үлкен дулыға» турнирінің бірі – Аустралия ашық чемпионаты 20 қаңтар – 2 ақпан аралығында өтеді. Іріктеу сайысы осы аптаның аяғында мәреге жетіп, негізгі турнирге жолдама алғандар анықталады.
Еске сала кетейік, бұдан бұрын Елена Рыбакинаның Хобарт турнирінің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).