НҰР-СҰЛТАН. ҚазАқпарат – Қазақстандық теннисші Юлия Путинцева АҚШ-тағы Лексингтон турнирінде бақ сынайды, деп хабарлайды ҚазАқпарат тілшісі.
Қазіргі кезде іріктеу сайыстары өтіп жатқан аталмыш WTA жарысының жүлде қоры 200 мың АҚШ долларынан асады.
Әлемнің 33-ракеткасы Ю.Путинцева алғашқы айналымда рейтингте 56-сатыда тұрған аустралиялық Айла Томляновичпен шеберлік байқасады.
Әлемнің бұрынғы бірінші ракеткасы, атақты америкалық Серена Уильямс бастаған теннисшілер қатысатын дода 16 тамызда мәреге жетеді.
Бұл коронавирус індетіне байланысты орын алған үзілістен кейін қазақстандық теннисші қатысатын бірінші жарыс болмақ. Ол әрі биыл 31 тамызда басталатын АҚШ-тың ашық чемпионатына дайындық болып есептеледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).