НҰР-СҰЛТАН. ҚазАқпарат – Қазақстандық Юлия Путинцева Лексингтон (АҚШ) турнирінің ширек финалына шыға алмады, деп хабарлайды ҚазАқпарат тілшісі.
Әлемнің 33-ракеткасы Ю.Путинцева екінші айналымда рейтингте 63-орында тұрған швейцариялық Жиль Белен Тайхманмен күш сынасты.
Кездесу барысында швейцариялық теннисші алты брейк жасап, 6:2, 6:2 есебімен жеңіске жетті. Ю.Путинцева екі брейкке қана қол жеткізді.
Бәсеке 1 сағат 28 минутқа созылды.
Спортшылардың бұдан бұрын жолдары тоқайласпаған болатын.
Швейцариялық теннисші ширек финалда америкалықтар Джессика Пегула немесе Кэтрин Беллистің біреуімен шеберлік байқасады.
Лексингтон жарысы (жүлде қоры – 202 мың АҚШ доллары) 16 тамызда мәреге жетеді.
Еске сала кетейік, бұдан бұрын Ю.Путинцеваның АҚШ-тағы жарысты жеңіспен бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).