НҰР-СҰЛТАН. ҚазАқпарат – Қазақстандық Юлия Путинцева Лексингтон (АҚШ) турнирін жеңіспен бастады, деп хабарлайды ҚазАқпарат тілшісі.
Әлемнің 33-ракеткасы Ю.Путинцева бастапқы кездесуін рейтингте 56-орында тұрған аустралиялық Айла Томляновичпен өткізді.
Бірінші сетте Юлия қарсыласына бірде-бір гейм берген жоқ – 6:0. Екіншісінде де 6:4 есебімен басым түсті.
Бәсеке 1 сағат 23 минутқа созылды.
Қазақстандық спортшы екінші айналымда әлемнің 63-ракеткасы, швейцариялық Жиль Белен Тайхманмен шеберлік байқасады.
Еске сала кетейік, бұдан бұрын Ю.Путинцеваның АҚШ-тағы турнирде бақ сынайтынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).