НҰР-СҰЛТАН. ҚазАқпарат - Қазақстандық Юлия Путинцева Аустралия ашық чемпионатының төртінші айналымына шыға алмады, деп хабарлайды ҚазАқпарат тілшісі.
Рейтингте 38-орында тұрған қазақстандық спортшы әлемнің бұрынғы бірінші, қазіргі үшінші ракеткасы, румыниялық Симона Халеппен ойнады.
Бірінші партияда румыниялық спортшы айқын басымдылық көрсетті - 6:1.
Есесіне екінші сет әлдеқайда тартысты өрбіді. Қарсыластар брейк те алмасты. Дегенмен матчқа доп бергенде, Симона мүмкіндігін жіберген жоқ - 6:4.
Бәсеке 1 сағат 17 минутқа созылды.
Еске сала кетейік, бұдан бұрын А.Бублик пен М.Кукушкин жұбының үшінші айналымға өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).