НҰР-СҰЛТАН. ҚазАқпарат - Қазақстанның бірінші, әлемнің 43-ракеткасы Юлия Путинцева Бирмингем (Ұлыбритания) турнирінің жартылай финалына өте алмады, деп хабарлайды ҚазАқпарат тілшісі.
Қазақстандық теннисші ширек финалда әлемнің 19-ракеткасы, германиялық Юлия Гергеспен кездесті.
Германиялық спортшы бірінші партияны 6:3 есебімен ұтса, екіншісінде де сол қарқынынан жаңылған жоқ - 6:2.
Бәсеке 1 сағат 14 минутқа созылды.
Ю.Гергес финалға шығу үшін әлемнің 25-ракеткасы, хорватиялық Петра Мартичпен таласады.
Еске сала кетейік, бұдан бұрын Юлия Путинцеваның Бирмингемде әлемнің бірінші ракеткасын ұтқанын, Галина Воскобоеваның жұптық сында жартылай финалға шыққанын, ал Зарина Диястың Истбурн турнирінің іріктеу сайысын сәтті бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).