НҰР-СҰЛТАН. ҚазАқпарат – Қазақстандық теннисші, әлемнің 31-ракеткасы Юлия Путинцева Чарльстон (АҚШ) WTA 500 турнирінің ширек финалына шықты, деп хабарлайды ҚазАқпарат тілшісі.
Ю.Путинцева үшінші айналымда әлемнің 13-інші, осы жарыстың 6-ракеткасы, испаниялық Гарбинье Мугурусамен кездесті.
Бірінші партияда испаниялық теннисші бірде-бір гейм берген жоқ – 6:0.
Екінші сетте қазақстандық спортшы брейкпен алға шыққанымен, Г.Мугуруса таразы басын теңестірді – 2:2. Бұдан кейін испаниялық теннисші доп берген гейм тартысты өрбіді. Есеп 40:40 болған мезетте өзін жайсыз сезінген Г.Мугуруса жарысты жалғастырудан бас тартты.
Бәсеке 1 сағатқа созылды.
Ю.Путинцева жартылай финалға шығу үшін әлемнің 11-ракеткасы, чехиялық Петра Квитова немесе рейтингте 91-орында тұрған черногориялық Данка Ковиничтің біреуімен таласады.
Еске сала кетейік, бұдан бұрын Қазақстан құрамасымен кездесетін аргентиналық ойыншылар белгілі болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).