НҰР-СҰЛТАН. ҚазАқпарат – Қазақстандық Юлия Путинцева Мәскеудегі «Кремль кубогы» WTA турнирінің екінші айналымына шыға алмады, деп хабарлайды ҚазАқпарат тілшісі.
Қазақстанның бірінші, әлемнің 34-ракеткасы Ю.Путинцева алғашқы айналымда рейтингте 45-орында тұрған франциялық Кристина Младеновичпен кездесті.
Бірінші партияны франциялық спортшы өз есебіне жаза білді – 6:4.
Екінші сетте Ю.Путинцева 3:0 есебімен алға шықты. Сол басымдылығын сақтап қала алды – 6:3.
Үшінші, шешуші партияда К.Младенович есеп 2:2 болған мезетте брейк жасап кетті. Ақыры тағы бір брейкпен матч нүктесін қойды – 6:2.
Тартысты бәсеке 2 сағат 2 минутқа созылды.
К.Младенович екінші айналымда осы турнирдің алтыншы, әлемнің 24-ракеткасы, латвиялық Анастасия Севастовамен шеберлік байқасады.
Жүлде қоры 1 млн АҚШ долларынан асатын «Кремль кубогы» 20 қазанда мәреге жетеді.
Еске сала кетейік, бұдан бұрын М.Кукушкиннің «Кремль кубогын» жеңіспен бастағанын, Е.Рыбакинаның Люксембург турнирінің екінші айналымына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).