НҰР-СҰЛТАН. ҚазАқпарат - Қазақстанның бірінші, әлемнің 38-ракеткасы Юлия Путинцева Рим турнирін жеңіспен бастады, деп хабарлайды ҚазАқпарат тілшісі.
Қазақстандық теннисші алғашқы айналымда рейтингте 26-орында тұрған украиналық Леся Цуренкомен кездесті.
Бірінші партия барысында Юлия Путинцева үш бірдей брейк жасай білді. Қарсыласы екі брейкке қол жеткізе алды. Сөйтіп бұл сетті қазақстандық теннисші өз пайдасына жазды - 6:4.
Екінші сетте Юлия қос бірдей брейкпен алға кетті - 4:0. Ақыры осы басымдылығын уысынан шығарған жоқ - 6:2.
Бәсеке 1 сағат 22 минутқа созылды.
Ю.Путинцева екінші айналымда әлемнің 5-ракеткасы, чехиялық Петра Квитовамен күш сынасады.
Ерлер арасындағы Рим турнирінде Қазақстанның бірінші, әлемнің 47-ракеткасы Михаил Кукушкин алғашқы айналымнан аса алмады. Ол рейтингте 32-орында тұрған сербиялық Ласло Дьереден 3:6, 4:6 есебімен жеңіліп қалды.
Еске сала кетейік, бұдан бұрын Юлия Путинцеваның үздік 40 теннисшінің қатарына қайта енгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).