АСТАНА. ҚазАқпарат - Қазақстанның бірінші ракеткасы Юлия Путинцева Тайбэй турнирін сәтті бастады, деп хабарлайды «ҚазАқпарат» тілшісі.
Осы жарыстың бесінші ракеткасы болып тіркелген Ю.Путинцева бүгін жапониялық Дзюнри Намигатаны 6:2, 6:4 есебімен ұтты. Кездесу 1 сағат 36 минутқа созылды.
Қазақстандық теннисші екінші айналымда қос қытайлық Ли Ясюань мен Чан Кайчэньнің қай жеңгенімен кездеседі.
Жүлде қоры 226750 АҚШ долларына бағаланған Тайбэй турниріне Зарина Дияс та қатысуда. Осы жарыстың алтыншы ракеткасы З.Дияс алғашқы айналымда ресейлік Анна Блинковамен шеберлік байқасады.
Айта кетейік, кеше мәреге жеткен Австралия ашық чемпионатында әйелдер арасында даниялық Каролин Возняцки жеңімпаз атанып, әлемнің бірінші ракеткасы атанды. Ал Зарина Дияс бірінші, Юлия Путинцева екінші айналымнан аса алмаған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).