НҰР-СҰЛТАН. ҚазАқпарат – Қазақстанның бірінші, әлемнің 36-ракеткасы Юлия Путинцева Тяньцзинь WTA турнирінің ширек финалына шықты, деп хабарлайды ҚазАқпарат тілшісі.
Ю.Путинцева екінші айналымда аустралиялық, US Open турнирінің 2011 жылғы чемпионы, қазір рейтингте 91-орында тұрған Саманта Стосурмен күш сынасты.
Қазақстандық теннисші тәжірибелі қарсыласын 6:1, 6:2 есебімен тізе бүктірді.
Бәсеке бір сағаттан сәл астам уақытқа созылды.
Ю.Путинцева жүлде қоры 500 мың АҚШ долларына бағаланған турнирдің жартылай финалына шығу үшін Тунис елінің өкілі, әлемнің 61-ракеткасы Онс Жабермен таласады.
Еске сала кетейік, бұдан бұрын Елена Рыбакинаның Линц турнирін сәтті бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).