07:29, 29 Тамыз 2018

Теннис: Путинцева US Open турнирінің екінші айналымына өте алмады

АСТАНА. ҚазАқпарат - Қазақстанның бірінші, әлемнің 50-інші ракеткасы Юлия Путинцева US Open турнирінің алғашқы айналымында америкалық Бернардо Перамен күш сынасты, деп хабарлайды ҚазАқпарат тілшісі.

Б.Пера дүниежүзілік рейтингте 92-інші орында тұрғанына қарамастан, матч аса тартысты өрбіді.

Бірінші партия тай-брейкке дейін жетіп, онда жанкүйерлер қолдауына сүйенген корт иесі 8:6 есебімен басым түсті.

Б.Пера осы қарқынын екінші сетте де жоғалтпай, 6:4 есебімен жеңіске жетті.

Тартысты бәсеке 2 сағаттан астам уақытқа созылды.

Осылайша АҚШ-тың ашық чемпионатында жекелей сында Қазақстаннан Михаил Кукушкин ғана қалды.

Еске сала кетейік, бұдан бұрын әйелдер арасында Зарина Дияс әлемнің 8-інші ракеткасы, чехиялық Каролина Плишковаға жол берген еді.

US Open турнирін жеңіспен бастаған М.Кукушкин екінші айналымда әлемнің 23-інші ракеткасы, оңтүстіккореялық Чхун Хенмен кездеседі.

Спорт Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).