Қазақстандық теннисші осы жарыстың 8-інші ракеткасы болып тіркелсе, Т.Мария дүниежүзілік рейтингте 82-інші орында тұрған-ды.
Бірінші партияда Ю.Путинцева қарсыласын 6:3 есебімен ұтты. Алайда екінші сетте неміс спортшысы дәл осындай есеппен есе қайырды.
Матч шешуші, үшінші партияға ұласып, оны Юлия брейкпен бастап, кейін өз геймін де бермей, 2:0 есебімен алға шықты.
Содан кейін тағы бір брейк жасап, есепті 4:1-ге жеткізді. Қарсыластар бір-бір брейктен алып, есеп 5:2 болған кезде Ю.Путинцева матчқа доп берді.
Бірақ Т.Мария бұл жолы да брейк жасап, сосын өз геймін құр жібермей, есепті қысқартты - 4:5. Осыдан кейін ғана Юлия өз дегеніне жетті - 6:4.
Тартысты бәсеке 2 сағат 37 минутқа созылды.
Ю.Путинцева екінші айналымда әлемнің 70-інші ракеткасы, америкалық Дженнифер Брэйди немесе рейтингте 102-інші сатыда тұрған ресейлік Наталья Вихлянцеваның біреуімен кортқа шығады.
Жүлде қоры 250 мың АҚШ доллары болатын Вашингтон турнирі 5 тамызда мәреге жетеді.
Еске сала кетейік, бұдан бұрын Михаил Кукушкиннің Кицбюэль турнирін жеңіспен бастағанын жазған болатынбыз.
06:03, 01 Тамыз 2018
Теннис: Путинцева Вашингтон турнирінің екінші айналымына шықты
АСТАНА. ҚазАқпарат - Қазақстанның бірінші, әлемнің 52-інші ракеткасы Юлия Путинцева Вашингтон турнирінде германиялық Татьяна Мариямен күш сынасты, деп хабарлайды ҚазАқпарат тілшісі.