07:41, 29 Шілде 2018

Теннис: Путинцеваның Вашингтон турниріндегі қарсыласы анықталды

АСТАНА. ҚазАқпарат - Қазақстанның бірінші, әлемнің 53-інші ракеткасы Юлия Путинцеваның қарсыласы анықталды, деп хабарлайды ҚазАқпарат тілшісі.

Жүлде қоры 250 мың АҚШ долларына бағаланған жарыстың 8-інші ракеткасы болып тіркелген қазақстандық спортшы алғашқы айналымда дүниежүзілік рейтингте 81-інші орында тұрған германиялық Татьяна Мариямен күш сынасады.

Неміс теннисшісін ұтқан жағдайда америкалық Дженнифер Брэйди немесе ресейлік Наталья Вихлянцеваның біреуімен кездеседі.

Қазіргі кезде іріктеу сайысы өтіп жатқан, 30 шілдеде басталып, 5 тамызда мәреге жететін бұл турнирге әлемнің екінші ракеткасы, даниялық Каролин Возняцки бастаған теннисшілер қатысады.

Аталмыш жарыс биылғы жылдағы «Үлкен дулыға» турнирінің соңғысы - US Open жарысы алдындағы дайындық сыны болып есептеледі. АҚШ-тың ашық чемпионаты 27 тамыз - 9 қыркүйек аралығында өтеді.

Еске сала кетейік, бұдан бұрын тағы бір қазақстандық теннисші Галина Воскобоеваның жұптық сында Мәскеу турнирінің финалына шыққанын жазған болатынбыз.

Спорт Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).