НҰР-СҰЛТАН. ҚазАқпарат – Қазақстандық Елена Рыбакина Аустриядағы Линц WTA турнирінің жартылай финалына шыға алмады, деп хабарлайды ҚазАқпарат тілшісі.
Дүниежүзілік рейтингте 43-орында тұрған Е.Рыбакина ширек финалда әлемнің 72-ракеткасы, 2017 жылғы «Ролан Гаррос» турнирінің жеңімпазы, латвиялық Елена Остапенкомен кездесті
Латвиялық спортшы бірінші партияда брейк басымдылығын сақтай білді – 7:5.
Екінші сетте Е.Остапенко қарқынын тіпті үдетті – 6:1.
Бәсеке 1 сағат 13 минутқа созылды.
Е.Остапенко жарыстың (жүлде қоры – 250 мың АҚШ доллары) жартылай финалында әлемнің 35-ракеткасы, ресейлік Екатерина Александровамен шеберлік байқасады.
Еске сала кетейік, бұдан бұрын Юлия Путинцеваның Тяньцзинь турнирінің жартылай финалына шыға алмағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).