НҰР-СҰЛТАН. ҚазАқпарат – Қазақстандық Тимофей Скатов Алматы челленджер турнирінің финалында жеңіліп қалды, деп хабарлайды ҚазАқпарат тілшісі.
Дүниежүзілік рейтингте 399-орында тұрған Т.Скатов финалда әлемнің 259-ракеткасы, бельгиялық Зизу Бергспен күш сынасты.
Бұл 20 жастағы Т.Скатовтың челленджер жарыстарындағы алғашқы финалы еді.
Бірінші партия 6:4 есебімен қазақстандық теннисшінің еншісінде кетті.
Екіншісінде 22 жастағы З.Бергс басымдылық танытты – 6:3.
Ол үшінші, шешуші сетте де мүмкіндігін жіберген жоқ – 6:2.
Финалдық бәсеке тура екі сағатқа созылды.
Қазіргі кезде Алматыда дәл осындай екінші челленджер жарысының іріктеу сайыстары өтуде.
Еске сала кетейік, бұдан бұрын қазақстандық теннисшінің Братислава турнирінің чемпионы атанғанын жазған болатынбыз.
Сондай-ақ қазақстандық теннисшілер Ролан Гаррос турнирінің финалында жеңіліп қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).