НҰР-СҰЛТАН. ҚазАқпарат - Қазақстандық Тимофей Скатов кәсіпқой теннисшілер қауымдастығының (ATP) жаңартылған рейтингісінде өзінің рекордтық көрсеткішіне қол жеткізді, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, Қазақстаннның бірінші ракеткасы Александр Бублик 34-тен 36-ға төмендеді.
Есесіне 20 жастағы Тимофей Скатов бірден 11 сатыға жоғарылап, 269-орынға орнықты.
Сондай-ақ Дмитрий Попко 188-ден 187-ге, Денис Евсеев 403-тен 398-ге, Александр Недовесов 514-тен 513-ке көтерілді.
Михаил Кукушкин 146-дан 150-ге сырғыды.
Еске сала кетейік, бұдан бұрын Astana Open WTA турнирінде қазақстандық теннисшілердің қарсыластары белгілі болғанын жазған едік.
Әйелдер арасында елорда додасы бүгін басталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).