02:20, 21 Маусым 2014

ТЕННИС: Уимблдон турнирінде З.Дияс пен Я.Шведова қос Кристинамен кездеседі

ОРАЛ. ҚазАқпарат - 23 маусым-5 шілде аралығында әлемнің теннис сүйер қауымының назары «Үлкен дулығаның» бірі болып есептелетін Уимблдон турниріне аумақ.

Оған қазақстандық теннисшілер де қатысады. Жиырма жасар Зарина Дияс алғашқы айналымда франциялық теннисші, өзінен бір-ақ жас үлкен Кристина Младеновичпен шеберлік байқасады. Ал осы аптада Хертогенбосх (Нидерланды) турнирінде ширек финалға дейін жеткен Ярослава Шведова чехиялық Кристина Плишковамен кездеседі. Бұлардың екеуі де - жақсылап ойнаса, ұтуға болатын қарсыластар. Ал Уимблдондағы ерлер турнирінде қазақстандық Андрей Голубевке жеребе бойынша бірден әлемдегі ең мықтылардың бірі, сербиялық Новак Джокович түсті. Михаил Кукушкин Дуди Села (Израиль), Александр Недовесов Лу Ень-Хсунмен (Тайвань) кортқа шығады. Айта кетейік, Зарина Диястан басқаларының бәрі де - шеттен келіп, Қазақстан азаматтығын алған ойыншылар.

Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).