НҰР-СҰЛТАН. ҚазАқпарат - Қазақстандық теннисші Галина Воскобоева ресейлік Вероника Кудерметовамен бірге жұптық сында Мадрид турнирінің жартылай финалына шықты, деп хабарлайды ҚазАқпарат тілшісі.
Қазақстандық-ресейлік жұп ширек финалда осы турнирдің 8-ракеткасы болып тіркелген германиялық Анна-Лена Грёнефельд пен Нидерланды елінің өкілі Деми Схюрспен сынға түсті.
Г.Воскобоева мен В.Кудерметова 6:4, 6:3 есебімен екі партияда жеңіске жетті.
Бәсеке бір сағатқа созылды.
Енді Г.Воскобоева мен В.Кудерметова финалға шығу үшін осы турнирдің сәйкесінше бесінші және үшінші ракеткалары, тайваньдық Се Шувэй мен чехиялық Барбора Стрыцова немесе аустралиялық Саманта Стосур мен қытайлық Шуай Чжан жұбының қай жеңгенімен таласады.
Еске сала кетейік, бұдан бұрын Галина Воскобоеваның жұптық сында Мадрид турнирінің ширек финалына шыққанын жазған болатынбыз.
Сондай-ақ бүгін Зарина Дияс Жапониядағы Фукуока, Дмитрий Попко мен Александр Недовесов Қазақстандағы Шымкент турнирінің ширек финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).